Heydər Əliyev Fondu və Mədəniyyət Nazirliyinin təşkilatçılığı ilə bu il X dəfə keçirilən Üzeyir Hacıbəyli Beynəlxalq Musiqi Festivalı maraqlı konsert proqramları və musiqi layihələri ilə davam edir. Festival çərçivəsində sentyabr ayının 20-i Beynəlxalq Muğam Mərkəzində keçən növbəti gecədə Azərbaycan Dövlət Mədəniyyət və İncəsənət Universiteti İnstrumental ifaçılıq kafedrasının müdiri, dosent Səbinə Mehdiyeva da çıxışı ilə yadda qalıb. Pianoçu Xalq artisti Yalçın Adıgözəlovun dirijorluğu altında Türkiyə kamera orkestri ilə birgə Fərhad Bədəlbəylinin “Dəniz” əsərini ifa edib.