30 yanvar 2019-cı il tarixində ADMİU-nun Rəssamlıq fakültəsinin Dizayn və Dekorativ-tətbiqi sənət ixtisasları üzrə magistratura səviyyəsində təhsil alan tələbələrin yaradıcılıq işlərinin müdafiəsi baş tutub. Bədii toxuculuq, qrafik və sənaye dizaynı ixtisaslaşmaları üzrə təhsilini başa vuran magistr tələbələr işlərində aktual mövzulara müraciət edərək, onların maraqlı bədii interpretasiyalarını təqdim edib.
Lalə Muradovanın “Floristika alətləri”, Ləman Məmmədovanın “Narkotiklərlə mübarizə” silsilə plakatları”, Ofeliya Salahovanın “Turizm şirkətinin korporativ kompleks təhlili”, Aysel Mansurovanın “Memarlıq abidəsi elementlərinin qobelendə işlənməsi” və Rəvanə Kamilzadənin “Qadın qeyimi və aksesuarların qobelendə toxunması” adlı işləri imtahan komissiyasının üzvləri olan mütəxəssislər tərəfindən maraqla qarşılanıb.