Hörmətli Gülşən xanım!
Sizi tanınmış füzulişunas alimi, filologiya elmləri doktoru, professoru, AYB-nin üzvünü, Mədəniyyət və İncəsənət Universitetinin prorektorunu 50 yaşınız münasibəti ilə təbrik edirik.
Siz 1970-ci ildə may ayının 16-da qədim və ulu Naxçıvanın Şərur rayonunda ziyalı ailəsində anadan olmusunuz.
2000-ci ildə “Çağdaş Azərbaycan poeziyasında Füzuli ənənələri”, “2009-cu ildə “Azərbaycan füzulişünaslığının tarixi inkişaf mərhələləri” mövzusunda namizədlik, doktorluq dissertasiyaları müdafiə etmiş, 2005-ci ildən tənqidçı və ədəbiyyatşünas kimi AYB-nin üzvüsünüz. “Çağdaş poeziya və klassik irs”, “Poetika məsələləri”, “Füzuli sehri”, “Azərbaycan füzulişünaslığı”, “Füzuli şeirinin əruz kanonları üzrə tədrisi”, “Bədii düşüncə: tarixi gerçəklik və estetik ideal”, “Sufizim”, “Hüsnü camal əqli kamal” kimi monoqrafiyaları və 150-dən artıq elmi-nəzəri, ədəbi tənqidi məqaləniz müasir tənqid və ədəbiyyatşünaslığımızın dəyərli faktlarıdır. Əsərləriniz haqqında dünya şöhrətli alimlər Amerikanın Miçiqan universitetinin professoru Aleksandr Knış, rusiyalı professor Rudolf İvanov akademiklər İsa Həbibbəyli, Bəkir Nəbiyev, Nizami Cəfərov, Rəfael Hüseynov, Budaq Budaqov, Teymur Kərimli, Fuad Qasımzadə, Möhsün Nağısoylu, rəylər yazmış, qiymətli fikirlər söyləmişdi.
Siz elmi-nəzəri konsepsiyalarınızı pedoqoji fəaliyyətlə əlaqələndirir Azərbaycan Dövlət Mədəniyyət və İncəsənət Universitetində kafedra müdiri işləmiş, sonralar prorektor təyin olunmuşsunuz.
Siz nəzəriyyəçi ədəbiyyatşünas olmaqla bərabər, həm də, çağdaş ədəbi prosesdə fəal mövqeyi olan peşəkar tənqqidçisiniz.
Gülşən xanım, siz ömrünüzün və yaradıcılığınızın kamil dövrünə qədəm qoyursunuz, sizə can sağlığı və ədəbi-ictimai fəaliyyətinizə yeni uğurlar arzu edirik.

Azərbaycan Yazıçılar Birliyi