2025-ci ilin mart ayında Azərbaycan Dövlət Mədəniyyət və İncəsənət Universiteti növbəti doktorantura ixtisas imtahanlarını keçirəcək

2025-ci ilin mart ayında Azərbaycan Dövlət Mədəniyyət və İncəsənət Universitetində doktorantura ixtisas imtahanlarında iştirak etmək istəyən doktorant və dissertantlar üçün imtahanlar keçiriləcək.

Fəlsəfə doktoru imtahanlarının keçirilmə Qaydasına görə, ixtisas fənni üzrə fəlsəfə doktoru imtahanında iştirak etmək üçün dissertasiya işinin yerinə yetirildiyi və ya dissertasiya müdafiəsinin keçiriləcəyi elmi müəssisə və təşkilata, ali təhsil müəssisəsinə aşağıdakı sənədlər təqdim edilir:

– şəxsiyyəti təsdiq edən sənədin surəti əlavə olunmaqla iddiaçının ərizəsi;

– iddiaçı ixtisas fənni üzrə fəlsəfə doktoru imtahanının keçiriləcəyi elmi müəssisə və təşkilatın, ali təhsil müəssisəsinin doktorantı (dissertantı, adyunktu) olmadığı halda, onun dissertasiya işinin yerinə yetirildiyi müəssisədən müvafiq müraciət məktubu.

2025-ci ilin mart ayında təşkil ediləcək imtahanın vaxtı və yeri daxil olan ərizələrə görə təyin edilib, rəsmiləşdiriləcək və elan olunacaq.