Azərbaycan Dövlət Mədəniyyət və İncəsənət Universitetinin bakalavriat səviyyəsinə qəbul olunan abituriyentlərin nəzərinə!

25 Avqust 2025

Ali təhsil pilləsinin bakalavriat səviyyəsi üzrə elektron sənəd qəbulu prosesi 28 avqust -08 sentyabr 2025-ci il tarixlərində aparılacaq

Abituriyentlər https://portal.edu.az/ elektron ünvanında qeydiyyatdan keçməklə “Ali və orta ixtisas təhsili müəssisələrinə təhsilalan qeydiyyatı” xidmətini seçə bilərlər. Açılan səhifədə müvafiq qəbul xətti üzrə şəxsi və qəbul məlumatlarının təsdiq edilməsi, həmçinin tələb olunan sənədlərin əlavə edilməsi mümkündür.

BAKALAVRİAT səviyyəsinə tələb olunan sənədlərin

SİYAHISI

  • Şəxsiyyət vəsiqəsinin surəti (2 ədəd);
  • 3×4 ölçülü foto şəkil (rəngli, 4 ədəd);
  • Attestat,kollec və ya ali təhsil müəssisəsinin məzunları üçün həmin təhsil müəssisəsini bitirmələri haqqında arayış və ya diplomun əsli;
  • Sağlamlıq haqqında arayış;
  • Ödənişli əsaslarla qəbul olunanlar üçün təhsil haqqının tam ödənilməsi haqqında qəbzin surəti;
  • Hərbi bilet və ya ilkin hərbi qeydiyyata alınma haqqında vəsiqənin surəti;
  • İmtiyazlı tələbələr imtiyazı təsdiq edən müvafiq sənədlər təqdim etməlidirlər.

Qeyd: Ödənişli əsaslarla qəbul olan tələbələr Təhsil Tələbə Kredit Fonduna müraciət edə bilərlər.

Müəyyən olunmuş müddətdə qeydiyyatdan keçməmək tələbənin müvafiq ixtisasa yerləşdirilmədən imtina etməsi kimi qiymətləndiriləcəkdir.

 Azərbaycan Dövlət Mədəniyyət və İncəsənət Universitetində sənəd qəbulu I-V günlər saat 10:00-17:00-dək (nahar fasiləsi 13:00-14:00) əsas binanın kitabxanasında (İnşaatçılar prospekti 39) aparılacaq.

Tel:  012 599 00 54