Universitetin psixoloqu
2011–2015-ci illərdə Bakı Dövlət Universitetində Psixologiya ixtisası üzrə bakalavr təhsili alıb. 2015–2017-ci illərdə isə həmin universitetdə İnkişaf psixologiyası ixtisası üzrə magistratura pilləsini bitirib.
Peşəkar inkişafı çərçivəsində psixodiaqnostika, psixoterapiyanın əsasları, mürəkkəb travmalarla iş, inklüziv təhsil və digər istiqamətlər üzrə çoxsaylı təlim və seminarlarda iştirak edib.
Əmək fəaliyyətinə 2017–2018-ci illərdə Bakı Dövlət Universitetində müəllim kimi başlayıb. Daha sonra 2018–2020-ci illərdə Təhsil Nazirliyinin nəzdində fəaliyyət göstərən Təhsil İşçilərinin Peşəkar İnkişafı İnstitutunda baş mütəxəssis, 2020–2021-ci illərdə Azərbaycan Respublikasının Təhsil İnstitutunda aparıcı mütəxəssis vəzifələrində çalışıb. 2022–2023-cü illərdə “SOS Uşaq kəndləri-Azərbaycan” Assosiasiyası İctimai Birliyində psixoloq kimi fəaliyyət göstərib. 2025-ci ildən etibarən Bakı Dövlət Universitetində müəllim kimi fəaliyyətini davam etdirir.
“Məktəbdə psixoloji işin təşkili”, “Məktəblilərdə idrak proseslərinin diaqnostikası və korreksiyası”, “Şagirdlərə psixososial dəstəyin göstərilməsinə dair müəllimlər üçün tövsiyələr” adlı metodik vəsaitlərin müəllifidir.
O, həmçinin müxtəlif mövzularda – Məktəbdə psixoloji işin təşkili, Hərbi hissələrdə şəxsi heyətlə psixoloji işin təşkili, İnklüziv sinifdə təlimin təşkili, Əsas sosial emosional bacarıqların inkişafı, Əsas həyat bacarıqları, Böhran vəziyyətlərində məktəbdə ilkin psixoloji yardım məsələləri, Məktəbdə sağlam sosial emosional mühitin formalaşdırılması (anti-bullinq) istiqamətlərində müəllim və psixoloqlar üçün ixtisasartırma təlimlərinin təlimçisi kimi çıxış edib.
Toni Kessidinin “Stres, koqnitiv proseslər və sağlamlıq” və Rona Hartın “Pozitiv psixologiya – Təməl” kitablarının Azərbaycan dilinə tərcüməsi zamanı ixtisas redaktoru olub.
Azərbaycan Dövlət Mədəniyyət və İncəsənət Universitetinin psixoloqu Aynur Rəhimova ilə əlaqə saxlamaq istəyənlər həftə içi universitetin əsas binasında yerləşən psixoloq otağına (2-ci mərtəbə, 219-cu otaq) yaxınlaşa bilərlər.
Əlaqə:
Tel: 051 527 43 00
E-mail: aynur.rahimova@admiu.edu.az

