ADMİU-da muzey və sərgi kuratoru Salih Doğanın təlimləri başlayıb

02 Dekabr 2024

Dekabrın 2-dən etibarən Türkiyənin tanınmış muzey və sərgi kuratoru Salih Doğanın Azərbaycan Dövlət Mədəniyyət və İncəsənət Universitetində (ADMİU) seminar və ustad dərsləri start götürüb.

5 gün ərzində Salih Doğan Muzeyşünaslıq və turizm və Təsviri sənət tarixi və nəzəriyyəsi kafedrasının professor-müəllim və tələbə heyəti ilə muzey quruculuğu və idarəedilməsi sahəsindəki təcrübəsini bölüşəcək. Dərslərdə həm də Naxçıvan Muxtar Respublikasından M.S.Ordubadinin ev muzeyinin bələdçisi və Turizm və Menecment Universitetinin əməkdaşları iştirak edəcək.

Muzey sahəsində ali təhsilin məzmunu ilə bağlı yeni yanaşmalar və muzey sahəsində müasir səriştələrə malik mütəxəssis hazırlığına cavab verən tədris planının müzakirəsi olacaq.