ADMİU-nun tələbəsi Minskdə keçirilən qiraət müsabiqəsinin qalibi olub

26 Noyabr 2024

ADMİU-nun Teatr sənəti fakültəsinin “Aktyor sənəti” ixtisası üzrə təhsil alan 3 tələbəsi Belarusiya Respublikasının Minsk şəhərində keçirilən professional qiraətçilər «Добрый сказ» VII Beynəlxalq bədii qiraət müsabiqəsində iştirak edib. Müsabiqənin I mərhələsində iştirakçılar çıxışlarını video formatda göndəriblər. II mərhələyə uğurla keçən tələbələrimiz 20-24 noyabr tarixlərində Minsk şəhərinə dəvət olunublar. Yekun mərhələdə tələbələrimizdən Əliulla Vəliyev I yerə (Qran-pri “Diplom”una), Fərid Hüseynov və Nihad Məmmədzadə isə müxtəlif nominasiyalı diplomlara layiq görülüblər.