“CulTech İnkubasiya” proqramı üzrə infosessiya təşkil edilib

Mədəniyyət Nazirliyi və Mədəni və Yaradıcı Sənayelərin İnkişaf Mərkəzinin dəstəyi ilə həyata keçirilən “CulTech İnkubasiya” proqramı müasir dövrdə müstəqil sənaye sahələrində yaradıcı gənclərin fəal iştiraklarını təmin etmək və startap sahiblərinə öz layihələrini inkişaf etdirmək üçün onları dünya bazarına çıxaracaq unikal bir platforma təqdim edir.

Bu məqsədlə Azərbaycan Dövlət Mədəniyyət və İncəsənət Universitetində Azərbaycan Təhsil İşçiləri Azad Həmkarlar İttifaqı, “SUP VC” MMC – nin təşkilatçılığı və Azərbaycan Respublikası Mədəniyyət Nazirliyinin, Mədəni və Yaradıcı Sənayelərin İnkişaf Mərkəzinin dəstəyi ilə həyata keçirilən “CulTech İnkubasiya” proqramı üzrə infosessiya təşkil edilib.

Tədbirdə”SUP VC” MMC – nin təmsilçisi, Azərbaycan Təhsil İşçiləri Azad Həmkarlar İttifaqı Komitəsinin əməkdaşları və Azərbaycan Dövlət Mədəniyyət və İncəsənət Universiteti Tələbə Həmkarlar İttifaqı Komitəsinin sədri Rusif Əliyəv və tələbə həmkarlar ittifaqı fəalları iştirak ediblər.

Təlim zamanı müxtəlif mövzulu layihələrdən bəhs olunmaqla tələbələrin sualları cavablandırılıb, tədbirin yekununda isə iştirakçılarla birlikdə xatirə üçün kollektiv şəkil çəkilib.