Professor Ziyadxan Əliyev ADMİU-da ustad dərsi keçib

Oktyabrın 22-də Azərbaycan Dövlət Mədəniyyət və İncəsənət Universitetinin (ADMİU) Rəssamlıq fakültəsinin “Təsviri sənət tarixi və nəzəriyyəsi” kafedrasının və Tələbə Elmi-Yaradıcılıq Cəmiyyətinin (TEYC) birgə təşkilatçılığı ilə “Bir əsərin yaranma tarixçəsi” adlı ustad dərsi keçirilib. Ustad dərsin məruzəçisi Əməkdar incəsənət xadimi, professor Ziyadxan Əliyev olub.
Tədbirdə “Təsviri-sənət tarixi və nəzəriyyəsi” kafedrasının müdiri sənətşünaslıq üzrə fəlsəfə doktoru, dosent Aslan Xəlilov öz fikirlərini bölüşüb, bu cür ustad dərslərinin önəmini vurğulayıb.
TEYC-in sədri Ülkər Rzayeva çıxış edərək dəvəti qəbul etdiyi üçün Z.Əliyevə öz təşəkkürünü bildirib və qeyd edib ki, mütəmadi olaraq tələbələrlə ustad dərslərində görüşlər keçiriləcək.
Ziyadxan Əliyev mövzu ilə bağlı məruzəsindən sonra tələbələrin suallarını cavablandırıb.
Tədbirin sonunda xatirə şəkli çəkilib.