Yaradıcılıq layihələrinin idarə olunması şöbəsi universitetin mədəni-kütləvi, yaradıcılıq və sosial fəaliyyətinin təşkili, tələbələrin yaradıcılıq potensialının üzə çıxarılması, onların istedad və bacarıqlarının inkişaf etdirilməsi, eləcə də universitetin mədəni həyatının zənginləşdirilməsi istiqamətində fəaliyyət göstərir.
Şöbə universitetdə müxtəlif tədbirlərin, festivalların, müsabiqələrin, konfransların, konsert proqramlarının, tamaşaların və digər yaradıcılıq layihələrinin hazırlanmasını və həyata keçirilməsini təşkil edir. Eyni zamanda, tələbələrin və müəllimlərin yaradıcılıq təşəbbüslərinin dəstəklənməsi, onların universitetin ictimai və mədəni həyatında fəal iştirakının təmin olunması şöbənin fəaliyyət istiqamətlərindəndir.
Şöbə universitetin fakültə və struktur bölmələri ilə əməkdaşlıq edərək müxtəlif layihələrin hazırlanmasını, tədbirlərin ssenarilərinin tərtibini, təşkilati məsələlərin əlaqələndirilməsini və yaradıcı heyətin fəaliyyətinin koordinasiyasını həyata keçirir. Bununla yanaşı, tələbələrin səhnə mədəniyyətinin, bədii-estetik zövqünün, yaradıcı düşüncəsinin və komanda ilə işləmək bacarıqlarının inkişafına töhfə verir.
Şöbənin əsas fəaliyyət istiqamətlərindən biri də milli-mənəvi dəyərlərin, Azərbaycan mədəniyyətinin və incəsənətinin təbliği, əlamətdar və tarixi günlərə həsr olunmuş tədbirlərin təşkili, universitetin ənənələrinin qorunub saxlanılması və yeni yaradıcılıq ənənələrinin formalaşdırılmasıdır.
Şöbənin əsas vəzifələri aşağıdakılardır:
* Universitetdə mədəni-kütləvi tədbirlərin, konsertlərin, tamaşaların, festivalların və yaradıcılıq layihələrinin təşkili və həyata keçirilməsi;
* Tələbələrin yaradıcılıq potensialının üzə çıxarılması, onların istedad və bacarıqlarının inkişaf etdirilməsi;
* Tələbə və müəllimlərin yaradıcılıq təşəbbüslərinin dəstəklənməsi və yeni layihələrin hazırlanmasının təşviq edilməsi;
* Universitetin əlamətdar günlərə, milli bayramlara və tarixi hadisələrə həsr olunmuş tədbirlərinin təşkili;
* Bədii proqramların, səhnə çıxışlarının və konsertlərin hazırlanması, ssenarilərin işlənilməsi və yaradıcı prosesin əlaqələndirilməsi;
* Tələbə yaradıcılıq kollektivlərinin, dərnəklərin və bədii özfəaliyyət qruplarının fəaliyyətinin təşkili və inkişaf etdirilməsi;
* Rəqs, musiqi, teatr və digər incəsənət istiqamətləri üzrə tələbələrin yaradıcılıq fəaliyyətinin stimullaşdırılması;
* Universitetdaxili və universitetlərarası festivalların, müsabiqələrin, sərgilərin və digər yaradıcı platformaların təşkilində iştirak etmək;
* Tələbələrin mədəni, estetik və səhnə mədəniyyətinin inkişafına yönəlmiş layihələr həyata keçirmək;
* Universitetin fakültə və struktur bölmələri ilə birgə tədbirlərin planlaşdırılması və təşkilati işlərin əlaqələndirilməsi;
* Yaradıcılıq layihələrinin planlaşdırılması, icrasına nəzarət edilməsi və nəticələrinin qiymətləndirilməsi;
* Universitetin mədəni həyatının zənginləşdirilməsi, yaradıcılıq mühitinin inkişafı və tələbələrin ictimai fəallığının artırılması istiqamətində fəaliyyət göstərmək;
* Universitetin mədəni irsinin, milli-mənəvi dəyərlərin və incəsənət ənənələrinin təbliğini təmin etmək;
* Müasir yaradıcılıq yanaşmalarının tətbiqi, innovativ layihələrin hazırlanması və yaradıcı ideyaların reallaşdırılmasına dəstək vermək;
* Universitetin nüfuzunun və ictimai-mədəni fəaliyyətinin inkişafına töhfə vermək.
Şöbənin əməkdaşları
Yaradıcılıq layihələrinin idarə olunması şöbəsində hazırda 5 əməkdaş fəaliyyət göstərir:
* Məmmədzadə Aysel — Yaradıcılıq layihələrinin idarə olunması şöbəsinin müdiri
* Qasımov Toğrul — Yaradıcılıq layihələrinin idarə olunması şöbəsinin mütəxəssisi
* Lətifli Pərvanə — Yaradıcılıq layihələrinin idarə olunması şöbəsinin mütəxəssisi
* Kamilova Aydan — Rəqs dərnəyinin rəhbəri
* Qulamzadə Nihad — Rejissor
Şöbə universitetin yaradıcı potensialının inkişaf etdirilməsi, tələbələrin mədəni həyatının daha da zənginləşdirilməsi və müxtəlif istiqamətli layihələrin uğurla həyata keçirilməsi məqsədilə fəaliyyətini davam etdirir.