WUF13 ADMİU kontekstində

Azərbaycan Dövlət Mədəniyyət və İncəsənət Universitetinin (ADMİU) Rəssamlıq fakültəsində WUF13-lə bağlı yaradıcılıq layihəsi həyata keçirilir. Fakültənin batika müəllimi Şəhla Abbasova tələbələri ilə birlikdə World Urban Forum 13 çərçivəsində “Keçmiş ilə müasirlik arasında körpü” adlı sənət işləri üzərində çalışırlar. Layihənin əsas məqsədi ənənəvi sənət növlərindən biri olan batika texnikası vasitəsilə milli-mədəni irsi müasir bədii yanaşmalarla sintez etməkdir. Tələbələr öz əsərlərində tarixi motivləri çağdaş şəhər həyatının elementləri ilə birləşdirərək keçmiş və bu gün arasında vizual dialoq yaradırlar. Hazırlanan işlərdə Azərbaycanın zəngin mədəni irsi, ornamentləri və simvolları müasir kompozisiya həlləri ilə təqdim olunur. Bu yanaşma həm gənc rəssamların yaradıcılıq potensialını üzə çıxarır, həm də milli kimliyin qlobal müstəvidə təqdiminə xidmət edir.
Layihə çərçivəsində ərsəyə gələn batika əsərlərinin World Urban Forum 13 zamanı nümayiş etdirilməsi nəzərdə tutulur. Bu isə tələbələr üçün beynəlxalq platformada öz işlərini təqdim etmək baxımından mühüm imkan yaradır. Qeyd edək ki, bu təşəbbüs gənc rəssamların peşəkar inkişafına töhfə verməklə yanaşı, ənənəvi sənət formalarının müasir dövrdə актуallığını bir daha nümayiş etdirir.