Təsviri Sənət Tarixi və Nəzəriyyəsi Kafedrası

1982-ci ildə Azərbaycan Dövlət Mədəniyyət və İncəsənət Universitetində ilk dəfə olaraq “Sənətşünaslıq” ixtisası yaradıldı. Bununla da yüksək hazırlıqlı sənətşünas kadrların yetişdirilməsi işinə başlanıldı. Yeni yaranan kafedranın elmi fəaliyyəti sayəsində ADMİU-da sənətşünaslığın ciddi elmi-metodiki bazası formalaşmış, onun tədris potensialı, pedaqoji və metodoloji xüsusiyyətləri inkişaf edərək möhkəmlənmişdir.

1982-ci ildə “Təsviri sənət tarixi və nəzəriyyəsi” kafedrası yaranarkən ona rəhbərlik etmək mərhum sənətşünas, professor Məmmədağa Tərlanova həvalə olundu və o, ömrünün sonunadək (1988) bu vəzifədə çalışdı. İxtisasla əlaqədar ilk tədris proqramlarının hazırlanması da öz başlanğıcını həmin dövrdən götürür. Məmmədağa Tərlanovdan sonra “Təsviri sənət tarixi və nəzəriyyəsi” kafedrasına müxtəlif illərdə Azərbaycanın görkəmli sənətşünasları rəhbərlik etmiş və bu sahədə yüksək təcrübəli kadrların hazırlanmasında əvəzsiz xidmətlər göstərmişlər. Onlardan kafedra müdiri vəzifəsində Cəmilə Novruzova (1988-1990), Leyla Axundzadə (1990-2000), Xəzər Zeynalov (2000), Nurəddin Həbibov (2000-2001), Xəzər Zeynalov (2007-2008), Sevil Sadıxova (2008-2012), Səyyad Bayramov (2012-2014), Bayram Hacızadə (2014-2016), Mehriban Novruzova (2016-2019) və Aslan Xəlilovu (2019 – bu günədək) qeyd etmək olar.

2001-ci ildə Azərbaycan Dövlət Rəssamlıq Akademiyasının təsis edilməsi ilə əlaqədar ADMİU-dakı Rəssamlıq fakültəsinin bəzi ixtisasları akademiyaya köçürüldü, eyni zamanda Təsviri sənət tarixi və nəzəriyyəsi kafedrasının fəaliyyəti dayandırıldı. 2007-ci ildə isə ADMİU-da yenidən Təsviri sənət tarixi və nəzəriyyəsi kafedranın açılması üçün sərəncam verildi.

Kafedra yaranan gündən burada respublikanın görkəmli sənətşünasları pedaqoji fəaliyyət göstərmişlər. Onlardan Məmmədağa Tərlanov, Kərim Kərimov, Nurəddin Həbibov, Cəmilə Novruzova, Cəmilə Həsənzadə, Röya Tağıyeva, Kübra Əliyeva, Ziyadxan Əliyev, Telman İbrahimov, Ərtegin Salamzadə, Leyla Axundzadə, Sevil Sadıxova və b. adlarını qeyd etmək olar.

Təsviri sənət tarixi nəzəriyyəsi kafedrasında bakalavriat və magistratura səviyyəsində Sənətşünaslıq ixtisası üzrə iki ixtisaslaşma mövcuddur:

• Təsviri incəsənətin tarixi və nəzəriyyəsi;
• İncəsənət əsərlərinin bərpası və ekspertizası.
• Dünya incəsənət tarixi (XI-XVIII əsr Rus incəsənəti)
• Dünya incəsənət tarixi (XIX əsr Rus incəsənəti)
• Dünya incəsənət tarixi (XX əsr Rus incəsənəti)
• Dünya incəsənət tarixi (Hindistan, Uzaq Şərq və Cənubi Asiya incəsənəti)
• Xarici ölkələrin təsviri sənət tarixi – 1
• Xarici ölkələrin təsviri sənət tarixi 2
• Azərbaycan incəsənəti (İbtidai və Qədim dövr Azərbaycan incəsənəti)
• Azərbaycan incəsənəti (Orta əsrlər və XVIII əsr Azərbaycan incəsənəti)
• Azərbaycan incəsənəti (XIX əsr Azərbaycan incəsənəti)
• Azərbaycan incəsənəti (XX əsr Azərbaycan incəsənəti)
• Azərbaycan incəsənəti (Müasir dövr Azərbaycan incəsənəti)
• Azərbaycan təsviri sənət tarixi – 1
• Azərbaycan təsviri sənət tarixi – 2
• Azərbaycan incəsənət tarixi (Qədim dövr – XIX əsr)
• XX-XXI əsr Azərbaycan təsviri sənət tarixi
• İncəsənət əsərlərinin təhlili 1
• İncəsənət əsərlərinin təhlili 2
• İkonoqrafiya
• Bədii üslublar (sahələr üzrə)
• Miniatür tarixi
• İslam ölkələri və Mərkəzi Asiya incəsənəti
• Təsviri incəsənət
• Təsviri incəsənət tarixi
• Təsviri sənət tarixi
• Təsviri sənət tarixi 1
• Təsviri sənət tarixi 2
• Təsviri incəsənət tarixi-1
• Təsviri incəsənət tarixi-2
• Rus təsviri sənət tarixi
• Sərgi və auksion işinin təşkili
• Dekorativ-tətbiqi incəsənət tarixi

Kafedranın professor-müəllim heyəti respublika və beynəlxalq əhəmiyyətli konfrans, simpozium, sərgi və s. tədbirlərdə fəal iştirak edir, universitetimizi beynəlxalq mədəni arenada layiqincə təmsil etdirir.